“E orano l historije thaj e personalno deibe godži astarde vi dureder o memorijalo kotar o Holokausto maškar e Roma thaj e Sintura, vi kana na sine pe than e instituciengo senziviteto..”
Dr. Petra Gelbert
DEIBE GODŽI E MUZIKAJA
E muzikakere deibe godži pala e Roma pe kerdo hororo kotar e persekucije sine kreirime vi ko javera Europutne thema thaj ko javere vrame. Varesave muzikakere evidentija sar “Phabol Lampa”, “Ausvicate hi kherbaro” thaj “E Lauta bašalen thaj rovalen” sine gilavde ko kampora thaj ko okupirime thana si dende gilja kotar o vast pe vast dži avdives. Sar memorijalo kotar odoja vrama si kerde vi avera militarno gilja sar “Djelem, djelem – Opre Roma”thaj i klasično komemorativno kompozicija ” Rekviem pala o Auschwitz” kola so sine kerdine sar memorijalno gilja pala kodi vrama.
