Phabol Lampa
Phabol lampa
I lampa phabol, lampa phabol
Ano magazino,
Phabol lampa, phabol lampa ano magazine,
Rošal, rošal
Amare Romenge,
Rošal, rošal
Amare Romenge.
Phabol, phabol
Amare Romenge,
Rošalo te ovel amare Romenge
Rošalo te ovel amare Romenge.
Aj, Romalen, aj čhavalen,
Aj, Romalen, aj čhavalen!
Te džas thaj te šunas so e Roma kote keren,
Te džas thaj te šunas so e Roma kote keren,
Te džas thaj te šunas so e Roma kote keren.
I gilji Phabol Lampa si deibe godži pala e Roma kotar e koncentracijako kampo ko Niš, avdivesutni Serbia. Ko 20-to Oktobro 1942 berš, vojakora/armijakere manuša/khuvde andre ko sa e 5 romane mahale (bešipaskere than) thaj hapsisarde sa e muršen kotar o 16 berš dži ko sa e phure so sine ko odola thana. Lenge kerde deportacija ko kampo “Lolo Trošal . E manuša kotar o kampo sine ja deportirime ko rudniko Bor (Serbia) ispindoj olen zorasar te keren bučhi, ja pale legarena sine olen ko avera Europutne kampora te oven olengeri bučarni zor, ja pale direktno sine mudarde ko Niš pe Plain Bubanj. Kodola so našle kotar kotar o meribe musaj sine te prahosaren okolen so sine direktno puškencar mudarde.
Kodola Roma so na sine hapsime, sine čuvde ko kampo te keren zorasar bučhi. E džuvlja specifično musaj sine te toven e čhare e Njamconge, sine vi sekuritetoreske manuša ko kampo, vužarena sine e Biboldengere khera kola so sine akana čhorde kotar e Njamcora thaj te makhen ko javutne institucije ja palem javera publično thana. E Roma trubuj sine te oven pe than kana sine dende puške ki plain Bubanj thaj te prahosaren e mulen so sine mudarde. E čhavore ko beršipa kotar e 10-12 berš sine ispidime te keren vi von sa kodo. E Njamcora kosle pala peste na mukle e dokumentora vaš e Niš-esko panglipasko kampo, thaj kidija o numero kotar e manuša so sine phandine thaj mudarde našti sine te oven precizno gende.
O ačilo dživdo o Esad Useinović dela pes godi sar e vojakora zorasar ispidije e Romane komunitetakere lidere, e Arife, te pirel maškar e komunitete thaj te rodel savorendar te ikljoven avrijal. Sar te si o šerutno prastajas ki komuniteta thaj dijas vika pe Serbijakeri čhib: “Manušalen, ušten thaj ikljoven avrijal ” numa pe Romanes phendas: “Prastan našen kote so šaj “. Palikerindoj oleskere džanibaja thaj i zor but Roma šaj sine te našen. Sar te si buteder kotar o 350 manuša sine hapsime adava dive. Dureder i policija dožangljas kaj o Arif phendas e avere Romenge te našen thaj pe leste kerde bari tortura.O Arif muljas kotar i kerdi tortura.