Njamcisko okupacija ki Makedonija (avdivesutni: Utarutni Makedonija) Anav: Sefedin Jonuz
E Njamcisko okupacijakere trupe khuvgje ko Skopje jekh dive pala i invazija ki Thagaripaskeri Yugoslavia pala o izmeri pe 7-to Aprilo 1941 berš. Pala i kapitulacija, e teritorije kotar e teganutni Yugoslavia sine ulavde. I Bulgarija lijas bareder kotor kotar Vardareskeri thaj Egejsko Makedonijako rig, i Italija khuvdas ko forora Tetovo, Gostivar, Kičevo, Debar thaj Struga, thaj von kerena sine i kontrola thaj i zor ki koperacija e Albanconcar.
Lungo sine i vrama kotar e makedonsko maripe, bari viktimizacijaja thaj žertve.Pala i okupacije crdije e organizirime grupe pala i slobodija, thaj ko 11-to Oktombro ko Prilep sine šunde o avgo phajraribakskere puške khana dije ko punkto ki policisko stanica. O aver dive sine phajrariba maškar jekh partizansko jekhin kotar o Kumanovo thaj e okupatorija. Kobor so buteder nakhelas sine i vrama buteder organizirimo thaj masivno otporo avela sine.E bulgarijakere okupacijakere jekhina, kola so lije i sasti administracija ki Makedonija, gindinena sine kaj e manuša ka phutren ple vasta te phenen olenge mišto avilen, sine olenge supriso o dendo otpori thaj araklje pes e zurale represijaja. Source
