Sefedin Jonuz
O Sefedin Jonuz (*2-to Februaro 1935 ko Skoplje, Makedonia † muljas 9-to Marto ko 2023 berš ko Cologne), ačilo dživdo thaj phenela vaš e oleskere tikne berša ko vakti kotar e Njamcengeri okupacija. E Jonuz Sefedin-eskoro dad thaj kako sine zorasar ispidime te džan ki bučhi thaj but olengere paše sine viktime kotar e Njamcongeri alijansa kotar e Bugara.
Palo o maribe, o Sefedin Jonuz sikljiljas i bučhi sastrareske thaj vudarengere keribaske.
Kotaro 1954 berš kerena sine bučhi thaj marela pes sine pala Romengere egalno manušikane hakaja. Ko 1965 berš emeigririndas ki Federalno Njamcisko Republika, pire romnjaja e Menaja Jonuz thaj oleskere čhajencar Elizabeta thaj i Fatima kola so aviles pala nesavo periodo. Ko Njamco pale kejrarela pest, kerel bučhi sar politikengoro aktivisti, kerindoj vi i bučhi sar vudarengo majstori, dureder pravela korkoro pesko bizniso restoranti.
Ko 1988 berš vov puterdas ko Kölner Rom e.V., asocijacija bašo haljovibe maškar e Roma thaj e Gadže kote so vazdela kampanja vaš e Romengoro ačhovibasko /bešipasko / hakaj. Vov ažurtisadar te organizirinen pes numero kotar o demonstracije thaj protesteske akcije , lijas tan te vorbisarel sar spikero ko khediba thaj konferencije, ikaldas sar ko- editori o magazino Jekh Čhib, thaj dijas godži thaj konsultacije vaš e socijalno bučha. But važno sas oleskoro dendo lafi thaj bučhi kana avela lafi vaš Romengere persekucije kotar i okupirimi fašističko Yugoslavia. Sar misal , vov kidijas numero kotar e manušengoro vakeriba so ačhile dživde kotaro maribe thaj pe akava temato ikaldas avgo publikacija pe Njamcisko- čhib. O Sefedin Jonuz sine but šukar konektirimo na numa pe nacionalno nivelo, numa sas vi šukar prepindžardo vi pe internacionalno nivelo kote so astarelas intenzivno pharuvibe e političko thaj lingvističko bučharne Romencar pe akava temato buteder themendar. Dži ko oleskoro meribe, vov sine aktivno ki Muslimenengi komuniteta ažurtisadas len privatno thaj deibe godžaja.