AMARE MEMORIJE/DEIBE GODŽI/ NAJ TELAL KONSTRUKCIJAKE THANA!
Ko nilaj 2020 berš, bari manifestacija lija than ko Berlino vaš o sasto arakhibe kotar o Memorijalo pala e Sintura thaj e Roma kotar e Europa kola so sine mudarde telal o Nacional Socializmo. Ko demonstracije sine maškar 500-700 manuša. E demonstrantija sine mamuj e vazdipaskoro projekto kotar o Deutsche Bahn te vazden paše o forosko trenoski štacija so džala telal o memorijalno lokaliteto, thaj ka ovel ola impakto/uticaj/pe memorijalo koleja so šaj vi hari ja kompletno te ačavel o resaripe dži ko memorijalo.O planirimo S21 trubuj sine te rotarel kotar o Reichstag thaj te nakel telal o monumento, ki oleskiri dujto vazdipaski faza maškar o Potsdamer Platz thaj i galvno trenoski štacija ko Berlino. O Centralno Konsilo vaš e Njamcisko Sintura thaj Romasar vi i Fondacija Memorijalo kerde negocijacija/pangle lafi/e responsibilno senatorencar, e Bundestag administracijaja thaj e Deutsche Bahn AG te araken alternativno solucije sar te rotarel pes kota o monumentsko than. O Centralno Konsilo kotar e Njamcisko Sintura thaj Roma phendas peski vorba kaj si mamuj e avgo planora masovno te phgjarel pes e monumento thaj phendas kaj šaj te kerel parcijalno kompromisi so naj te anel baro impakto ko monumento.O aver žertvenge asocijacije thaj korkorutne organizacije but zurales kerde protesto mamuj savo te si hemisaribe vaš o memorijalo.Von akarde vaš e memorijalo pala e mudarde Sintura thaj Roma ko Nacional Socializmo ande e Europa, te ovel centro, thaj phendine vi o Memorijalo bašo e Bibolde te ovel protektirimo kotar savo te si hemibe.
E negocijacije/keribe vorba/si vi dureder telal o progreso ki vrama khana akaja aplikacija si kreirimi.